Námskeiðslýsing: Klínísk kennsla og þjálfun í heildrænni klínískri rökhugsun og ýmsum aðferðum við greiningu og meðferð á algengum stoðkerfisvandamálum á eftirtöldum svæðum: Hálsi, Kjálka, axlagrind, öxl, brjóstkassa, mjóbaki, mjaðmagrind og mjöðm. Farið verður í byggingu, starfsemi og tengingu þessara svæða og lögð áhersla á mismunagreiningar með raunverulegum dæmum. Námskeiðið er fyrir alla þá sem vilja auka færni sína í að skoða, greina og meðhöndla stoðkerfisvandamál á heildrænan hátt.
Ef áhugi er fyrir því að skipta greiðslunni fyrir námskeiðið eða sækja staka fyrirlestra á námskeiðinu er hægt að hafa samband við Hólmfríði Þorsteinsdóttur í gegnum netfangið hofi@heilsuborg.is
Innihald námskeiðs:
- 50 klst af fyrirlestrum og verklegum tímum sem dreifast á fjórar helgar frá janúar - apríl.
- Verkefnavinna í tímum
- Heimavinna, alls um 50 klst
- Skoðun með samnemanda skv. stöðluðu mati, 4 klst
- Tvær klukkustundar skoðanir með kennara og 1 klst umræða á eftir í hvort skipti (alls 4 klst).
- Námsmat í lok námskeiðs sem byggir á hópverkefni (70%) og seinni skoðun með kennara (30%)
- Mögulegt er að sækja um að fá námskeiðið metið til ECTS eininga hjá Háskóla Íslands ef nemandi er/fer í meistaranám í sjúkraþjálfun innan 5 ára.
- Samkvæmt núverandi verklagsreglum er námskeiðið sambærilegt þremur helgar námskeiðum í tímafjölda þegar sótt er um álag vegna framhaldsmenntunar til SÍ.
- Dýpka þekkingu og skilning á líffæra- og lífeðlisfræði ofangreindra svæða
- Aukið öryggi í sögutöku og klínískri rökhugsun og þar af leiðandi í greiningu stoðkerfisvandamála á ofangreindum svæðum
- Færni í nýjum aðferðum (handtök æfð) við skoðun og meðferð ofangreindra svæða
- Aukin færni í að skoða og meðhöndla stoðkerfið á heildrænan hátt
- Betri skilningur á ýmsum þáttum myndgreininga sem skipta sjúkraþjálfara máli
Kennsla fer fram í húsnæði ÍSÍ sem hér segir:
- Föstudaginn 18. janúar kl. 15:00 -19:30 í Heilsuborg. Kynning, saga, áhugahvetjandi samtal (4,5 klst). Heimaverkefni (greinalestur) sett fyrir.
- Föstudaginn 25. janúar kl. 14:00-17:30. Neðri háls og efri Th (3,5 klst)
- Laugardaginn 26. janúar kl. 8:30 -16:00. Efri háls og höfuð (4,5 klst) og öxl (3 klst).
- Sunnudaginn 27. janúar kl. 9:00-15:00. Frh. af neðri hálsi og efri TH (2,5 klst) og Thorax (3,5 klst)
- Föstudaginn 1. febrúar kl. 15:00–18:00. Axlargrind. Hér á einnig að skila verkefninu ,,skoðun með samnemanda'' sem verður afhent í upphafi námskeiðs.
- Laugardaginn 2. febrúar kl. 8:30–16:30. TMJ (3 klst) og verkefni um háls sem nemar flytja (1,5 klst) og Lx fyrirlestur og handtök fyrri hluti (3,5 klst).
- Föstudaginn 22. mars kl. 13:00-17:00. Samantekt og case.
- Laugardaginn 23. mars kl. 8:30-16:00. Lx fyrirlestur og handtök seinni hluti (2 klst). Pelvis, hip fyrirlestur og handtök (6 klst).
- Sunnudaginn 24. mars kl. 8:30-13:00: Samantekt og case
- Föstudaginn 5. apríl kl. 15:30-18:30. Lokaverkefni flutt (má skila án flutnings ef þörf krefur en mælt með að mæt því fólk lærir mikið á því).
- 2. febrúar - 22. mars: Fyrri skoðun með kennara (æfing)
- 24. mars - 12. apríl: Seinni skoðun með kennara (próf)
Kennarar á námskeiðinu eru:
Hólmfríður B. Þorsteinsdóttir, sérfræðingur í greiningu og meðferð stoðkerfis
Karólína Ólafsdóttir, master í manual therapy
Harpa Helgadóttir, sérfræðingur í greiningu og meðferð stoðkerfis og PhD í sjúkraþjálfun
Gunnar Svanbergsson, sérfræðingur í greiningu og meðferð stoðkerfis
Sigrún Konráðsdóttir, sjúkraþjálfari
