Eirberg leitar að sjúkraþjálfara í sölustörf og ráðgjöf

Skráð 03.01.2019

Við leitum að öflugum sjúkraþjálfara í sölu- og vörustýringu í söludeild Eirbergs

Starfssvið
• Sala og innkaup á vörum fyrir fyrir verslanir Eirbergs, í heildsölu og fyrir stofnanir.
• Ábyrgð á vörumerkjum, innkaupum og samskiptum við erlenda birgja
• Heimsóknir til viðskiptavina og þátttaka í vörukynningum
• Göngugreining, aðstoð og ráðgjöf til viðskiptavina
• Samskipti við heilbrigðisstarfsfólk

Hæfniskröfur
• Góð reynsla af sölu og ráðgjöf
• Menntaður sjúkraþjálfari
• Lausnamiðaður einstaklingur með frumkvæði og vönduð vinnubrögð
• Á auðvelt með mannleg samskipti og að koma fram og kynna vörur
• Gott vald á íslensku og ensku

Umsóknarfrestur er til 15. janúar 2019. Um er að ræða fullt starf frá kl. 9 til 17 að öllu jöfnu.
Áhugasamir, sem uppfylla ofangreind skilyrði og vilja starfa hjá framsæknu fyrirtæki í góðum hópi, eru hvattir til að senda umsókn með starfsferilsskrá ásamt mynd á atvinna@eirberg.is merkt Vörustjóri. 

Farið er með allar umsóknir sem trúnaðarmál. 

Eirberg ehf. byggir á traustum faglegum grunni á heilbrigðissviði þar sem starfsfólk kappkostar að bjóða viðurkenndar vörur og vandaða þjónustu. Við nýtum þennan bakgrunn og hugsjón í verslanir okkar tvær, Eirberg Heilsa að Stórhöfða 25 og Eirberg Lífstíll í Kringlunni.

Markmið okkar eru að efla heilsu, auka lífsgæði, auðvelda störf og daglegt líf.

Eirberg Heilsa Stórhöfða 25 leggur áherslu á úrval vandaðra stuðningsvara og faglega þjónustu. Sjúkraþjálfarar, hjúkrunarfræðingar og annað heilbrigðismenntað starfsfólk veita viðskiptavinum persónulega ráðgjöf. Hægt er að panta göngugreiningu sjúkraþjálfara og fá ráð við val á stuðningshlífum, innleggjum, þrýstingssokkum og hlaupa- og gönguskóm.

Eirberg Lífstíll Kringlunni
leggur áherslu á úrval vandaðra vara sem undirstrika heilsueflingu og virkan lífstíl – margt spennandi og gagnlegt sem gefur tækifæri til lífsgæða og vellíðunnar. Verslunin er staðsett á fyrstu hæð í norðurálmu Kringlunnar.