Sjúkraþjálfarar - áhugaverð störf

29.07.2020

Landspítali eftir fjórum sjúkraþjálfurum til starfa á heila- tauga og bæklunarskurðdeild, tauga- og bráðalyflækningadeild og lungnadeild

Við óskum eftir fjórum sjúkraþjálfurum til starfa á heila- tauga og bæklunarskurðdeild, tauga- og bráðalyflækningadeild og lungnadeild. Um er að ræða dagvinnu og starfshlutfall er samkomulag. Hér gefst kjörið tækifæri til að öðlast breiða þekkingu innan fagsins, vinna með skemmtilegu fólki og verða hluti af liðsheild. Mikil áhersla er lögð á mat á færni og færniþjálfun ásamt þverfaglegri teymisvinnu.

Heila-, tauga-og bæklunarskurðdeild þjónustar sjúklinga annars vegar eftir aðgerð á heila, mænu og taugum og hins vegar vegna stoðkerfisvandamála og liðskiptaaðgerða. Taugalækningadeild þjónustar sjúklinga með taugasjúkdóma og bráðalyflækningadeild þjónustar sjúklinga vegna bráðra og langvinnra lyflæknisfræðilegra vandamála. Lungnadeild þjónustar inniliggjandi sjúklinga með lungnasjúkdóma ásamt lungnasjúklingum á göngudeild.

Boðið verður upp á sérhæfða, markvissa þjálfun í störfin hjá reyndum sjúkraþjálfurum innan hverrar sérgreinar.
Helstu verkefni og ábyrgð
» Skoðun, mat og meðferð
» Skráning og skýrslugerð
» Fræðsla til sjúklinga og aðstandenda
» Þátttaka í þverfaglegum teymum
» Þátttaka í fagþróun

Hæfnikröfur
» Íslenskt starfsleyfi sem sjúkraþjálfari
» Góð íslenskukunnátta
» Faglegur metnaður og ábyrgð í starfi
» Hæfni í mannlegum samskiptum og jákvætt viðmót
» Skipulagshæfni, frumkvæði og sjálfstæð vinnubrögð

Frekari upplýsingar um starfið
Laun samkvæmt gildandi kjarasamningi fjármálaráðherra og viðkomandi stéttarfélags.
Tekið er mið af jafnréttisstefnu Landspítala við ráðningar á spítalanum og eru karlar jafnt sem konur hvött til að sækja um. Öllum umsóknum verður svarað.

Æskilegt að umsækjendur geti hafið störf sem fyrst eða eftir nánara samkomulagi.
Umsókn fylgi náms- og starfsferilskrá ásamt afriti af prófskírteini og starfsleyfi.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

STARFSHLUTFALL
80 - 100%
UMSÓKNARFRESTUR
04.08.2020

NÁNARI UPPLÝSINGAR
Ragnheiður S Einarsdóttir, ragnheie@landspitali.is , 543 9306
Harpa Hrönn Sigurðardóttir, harpahs@landspitali.is , 543 9134
LSH Sjúkraþjálfun
Hringbraut

101 Reykjavík