Sjúkraþjálfari - Starf á endurhæfingu krabbameinsgreindra

Skráð 11.12.2018

Við óskum eftir sjúkraþjálfara til starfa á krabbameinseiningu Landspítala, starfshlutfall er 80-100% eða eftir samkomulagi.

Við óskum eftir sjúkraþjálfara til starfa á krabbameinseiningu Landspítala, starfshlutfall er 80-100% eða eftir samkomulagi. Gerð er krafa um góða íslenskukunnáttu. Krabbameinseiningin samanstendur af krabbameinslækningadeild, blóðlækningadeild, hópþjálfun á göngudeild og endurhæfingarteymi krabbameinsgreindra.

Á krabbameins- og blóðlækningadeildum fer fram einstaklingsmiðuð skoðun, mat og meðferð fyrir inniliggjandi sjúklinga í nánu þverfaglegu samstarfi við aðra fagaðila.
Hópþjálfun krabbameinsgreindra er einstaklingsbundin þjálfun fyrir þá sem hafa greinst með krabbamein. Lögð er áhersla á að auka þrek og styrk til að auðvelda einstaklingum athafnir daglegs lífs.
Endurhæfingarteymi krabbameinsgreindra er þverfaglegt teymi sem annast mat og endurhæfingu sjúklinga sem greinst hafa með krabbamein. Sjúkraþjálfari teymisins sér um endurhæfingarmat í samvinnu við hjúkrunarfræðing og lækni, tekur þátt í rannsóknum, fræðslu og stefnumótunarvinnu.

Náin samvinna er meðal sjúkraþjálfara sem sinna krabbameinsgreindum sjúklingum á Landspítala. Boðið verður upp á markvissa þjálfun hjá sjúkraþjálfara á sviði endurhæfingar krabbameinsgreindra.

Helstu verkefni og ábyrgð
» Skoðun, mat og meðferð
» Skráning og skýrslugerð
» Þátttaka í þverfaglegum teymum
» Þátttaka í fagþróun

Hæfnikröfur
» Íslenskt starfsleyfi sem sjúkraþjálfari
» Faglegur metnaður og ábyrgð í starfi
» Hæfni í mannlegum samskiptum og jákvætt viðmót
» Skipulagshæfni, frumkvæði og sjálfstæð vinnubrögð
» Góð íslenskukunnátta

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag sjúkraþjálfara hafa gert.
Tekið er mið af jafnréttisstefnu LSH við ráðningar á spítalanum og eru karlar jafnt sem konur hvött til að sækja um.

Æskilegt að umsækjandi geti hafið störf sem fyrst eða eftir nánara samkomulagi. Umsókn fylgi náms- og starfsferilskrá ásamt afriti af prófskírteini og starfsleyfi. Öllum umsóknum verður svarað.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Landspítali er lifandi og fjölbreyttur vinnustaður þar sem tæplega 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 80-100%
Umsóknarfrestur er til og með 02.01.2019

Nánari upplýsingar veitir
Ragnheiður S Einarsdóttir - ragnheie@landspitali.is - 543 9306
Ingibjörg Magnúsdóttir - ingimagn@landspitali.is - 543 9304

LSH Sjúkraþjálfun
Hringbraut
101 Reykjavík