Sjúkraþjálfari – Starf í krefjandi og skemmtilegu umhverfi við öldrunarsjúkraþjálfun?

Skráð 11.12.2018

Viltu vinna með skemmtilegu fólki þar sem þú færð tækifæri til að öðlast breiða þekkingu innan fagsins? Viltu vera hluti af liðsheild sem starfar í krefjandi og skemmtilegu umhverfi? Þá er tækifærið hér!

Lausar eru til umsóknar tvær stöður sjúkraþjálfara á Landakoti, starfshlutfall er samkomulag. Ein staðan er afleysingastaða í 10 mánuði vegna fæðingarorlofs.
Sjúkraþjálfun á Landakoti sinnir fjölbreyttri og sérhæfðri endurhæfingu aldraðra. Lögð er áhersla á greiningarvinnu, fagþróun og þverfaglegt samstarf. Gerð er krafa um góða íslenskukunnáttu.

Sjúkraþjálfarar Landakots sinna þjálfun á legudeildum, dagdeild og eru starfandi í teymum á göngudeild öldrunarlækninga. Einnig hefur Landakot umsjón með sjúkraþjálfun á Vífilsstöðum, en þar dvelja sjúklingar sem eru í bið eftir hjúkrunarheimilum.

Helstu verkefni og ábyrgð
» Skoðun, mat og meðferð
» Skráning og skýrslugerð
» Fræðsla til sjúklinga og aðstandenda
» Þátttaka í þverfaglegum teymum
» Þátttaka í fagþróun

Hæfnikröfur
» Íslenskt starfsleyfi sem sjúkraþjálfari
» Faglegur metnaður og ábyrgð í starfi
» Hæfni í mannlegum samskiptum og jákvætt viðmót
» Skipulagshæfni, frumkvæði og sjálfstæð vinnubrögð
» Góð íslenskukunnátta

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag sjúkraþjálfara hafa gert.
Tekið er mið af jafnréttisstefnu LSH við ráðningar á spítalanum og eru karlar jafnt sem konur hvött til að sækja um. Öllum umsóknum verður svarað.

Starfshlutfall er samkomulagsatriði. Æskilegt að umsækjendur geti hafið störf sem fyrst.
Umsókn fylgi náms- og starfsferilskrá ásamt afriti af prófskírteini og starfsleyfi.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Landspítali er lifandi og fjölbreyttur vinnustaður þar sem tæplega 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 50 - 100%
Umsóknarfrestur er til og með 02.01.2019

Nánari upplýsingar veitir
Ragnheiður S Einarsdóttir - ragnheie@landspitali.is - 543 9306
Jóhanna Soffía Mar Óskarsdóttir - joosk@landspitali.is - 543 9839

LSH Sjúkraþjálfun
Hringbraut
101 Reykjavík