Útgáfa

Fagtímarit - bæklingar

Félag sjúkraþjálfara hefur staðið að útgáfu bæði fagtímarits um sjúkraþjálfun og fræðslubæklinga fyrir almenning.

Sjúkraþjálfarinn

Sjúkraþjálfarinn er fagblað Félags sjúkraþjálfara og kemur það út tvisvar sinnum á ári. Fagblaðið hefur ávallt verið í höndum ritnefndar félagsins, sem samanstendur af sjúkraþjálfurum einstakra stofnana og stofa, eitt ár í senn.

Árið 1975 hóf félagið útgáfu fagblaðs sem hlaut nafnið Félagsmiðill. Fyrstu árin var það fjölritað og gefin út 2 tölublöð á ári. Útlitinu var breytt á árunum 1983, 1990 og 1997. Nafninu var breytt árið 1997 og heitir síðan Sjúkraþjálfarinn. Árið 2000 var byrjað að litprenta kápusíðu blaðsins. Fagblaðið hefur ávallt verið í höndum ritnefndar félagsins, sem samanstendur af sjúkraþjálfurum einstakra stofnana og stofa, eitt ár í senn. Ritnefndir undanfarinna ára hafa verið:

2013 Æfingastöð SLF
2014 Sjúkraþjálfun Íslands, Orkuhúsinu
2015 Sjúkraþjálfun Reykjavíkur / Garðabæjar og ATLAS endurhæfing
2016 Eir hjúkrunarheimili
2017 Reykjalundur

Nýtt skref var tekið á árinu 2014 og hér eftir verða birtar ritrýndar greinar í Sjúkraþjálfaranum eftir því sem efni gefst til. Fyrsta ritrýni-ritnefndin hefur nú þegar verið skipuð af stjórn FS. Formennsku í ritrýni-ritnefnd blaðsins hafði með höndum Ragnheiður Harpa Arnardóttir. Frá árinu 2017 hefur Dr. Guðný Lilja Oddsdóttir komið í nefndina í hennar stað. Ásamt Guðnýju í nefndinni eru þær Dr. Sólveig Ása Árnadóttir og Þjóðbjörg Guðjónsdóttir hjá HÍ, sem unnu alla undirbúningsvinnu varðandi ritrýnina og gjörþekkja því öll þau skilmerki sem til staðar þurfa að vera svo vel takist til.

Ritrýni-ritnefndin vinnur við hlið hefðbundinnar ritnefndar, sem mun áfram rúlla á milli vinnustaða, eins og verið hefur. Hlutverk ritrýni-ritnefndar verður þannig að hafa umsjón með þeim greinum sem berast til ritrýni, finna ritrýna og fylgja málum eftir allt þar til grein er annaðhvort samþykkt til birtingar eða hafnað. Þeir sjúkraþjálfarar sem hugsanlega verða beðnir um að taka að sér ritrýni eru eindregið hvattir til að taka vel í þá málaleitan og leggja þannig sitt af mörkum til að þessi draumur geti orðið að veruleika.

Sjúkraþjálfarinn

Sjukrathjalfarinn 2017 1.tbl

Sjukrathjalfarinn 2016 2.tbl 

Sjukrathjalfarinn 2016 1.tbl 

Sjukrathjalfarinn 2015 2.tbl 

Sjukrathjalfarinn 2015 1.tbl

Sjukrathjalfarinn 2014 2.tbl

Sjukrathjalfarinn 2014 1.tbl

Sjukrathjalfarinn 2013 2.tbl

Sjukrathjalfarinn 2013 1.tbl

Sjukrathjalfarinn 2012 2.tbl 


Bæklingar

Félag sjúkraþjálfara (gamla FÍSÞ) gaf út nokkra fræðslubæklinga í gegnum tíðina. Þeir eru nú flestir ófáanlegir, en þó er enn eftir upplag af bækling um mjaðmagrindarverki á meðgöngu, sem hægt er að panta hjá skrifstofu félagsins á netfanginu sjukrathjalfun@bhm.is . 

Bæklingurinn er hér á rafrænu formi:

Mjaðmagrindarverkir á meðgöngu - 2008


Upptökur

 

Málstofur á Fundi fólksins, september 2017

Dagana 8. og 9. september 2017 tók Félag sjúkraþjálfara þátt í Fundi fólksins á Akureyri. Fundur fólksins er samtal þriðja geirans, félagasamtaka, hagsmunaaðila, stjórnmálamanna og almennings um allt það sem brennur á almenningi og þjóðfélaginu hverju sinni.

Félag sjúkraþjálfara stóð fyrir tveimur málstofum, annarri um heilsueflingu aldraðra og mikilvægi þess að stuðla að hreysti eldri borgara eins lengi og unnt er og hinni um aðkomu sjúkraþjálfara að þverfaglegri heilsugæslu.

Hér að neðan eru tenglar á upptökur af þessum málstofum:

Aldraðir:  https://www.youtube.com/watch?v=tUrlhZE-xIA&t=46s">https://www.youtube.com/watch?v=tUrlhZE-xIA&t=46s

Heilsugæslan:  https://www.youtube.com/watch?v=QgBaaVEZvqQ&t=42s">https://www.youtube.com/watch?v=QgBaaVEZvqQ&t=42s

Af ókunnum ástæðum vantar síðustu mínúturnar aftast á seinna myndbandið, en það eru einungis örfá lokaorð sem vantar þar upp á.




Félag sjúkraþjálfara <> sjúkraþjálfun í 75 ár <> 1940 – 2015