Umsóknir og félagsgjöld

Félag sjúkraþjálfara er fag-stéttarfélag, og eru félagsgjöld deildaskipt. Fagdeildargjaldið (19.000 kr) er greitt í heimabanka í tveimur greiðslum á ári (mars og september), en kjaradeildargjaldið (stéttarfélagsgjaldið) er greitt mánaðarlega (1,2% af launum). Vinnuveitendur standa skil á gjaldinu fyrir hönd launþega en sjálfstætt starfandi sjúkraþjálfarar standa skil á því sjálfir og nota reiknað endurgjald sem launaviðmið (sjá leiðbeiningar hér að neðan).
Athugið að sé eingöngu um fagdeildaraðild að ræða er félagsgjaldið 21.000 kr á ári.

Umsóknareyðublað um félagsaðild má nálgast hér á síðunni og athugið að láta afrit af starfsleyfi fylgja. Hafir þú einhvern tímann verið félagsmaður FÍSÞ, er slíkt þó óþarfi, þá er til afrit af starfsleyfi þínu á skrifstofu FS. 
Senda má umsóknina rafrænt á sjukrathjalfun@bhm.is eða á skrifstofu félagsins að Borgartúni 6, 105 Reykjavík.


Rétt til félagsaðildar eiga allir sjúkraþjálfarar með íslenskt starfsleyfi. Nemar í sjúkraþjálfun hafa rétt til ungfélaga-aðildar án endurgjalds.

Umsoknareydublad_FS 

Verktakar - upplýsingar um greiðslu félagsgjalda                  BHM Rafræn skilagrein  
Skilagrein (excelskjal)

Félagsmenn sem greiða til kjaradeildar eru sjálfkrafa aðilar að BHM og eiga því rétt á að greiða í sjóði BHM og njóta þess sem þeir hafa upp á að bjóða, sjá http://www.bhm.is/styrkir-og-sjodir/
Einnig eiga þeir rétt á annarri þjónustu BHM s.s. fjölbreyttum námskeiðum af ýmsu tagi, sjá http://www.bhm.is/um-bhm/fraedsla/dagskrafraedslu/  

Félag sjúkraþjálfara <> sjúkraþjálfun í 75 ár <> 1940 – 2015