Alþjóðlegur dagur sjúkraþjálfunar 8. september 2018

Félag sjúkraþjálfara tekur þátt í lýðræðishátíðinni LÝSU á Akureyri

Félag sjúkraþjálfara tekur þátt í lýðræðishátíðinni LÝSU á Akureyri

Þann 8. september nk halda sjúkraþjálfarar um allan heim upp á alþjóðlegan dag sjúkraþjálfunar. Þema dagsins í ár er geðheilsa og samspil andlegrar og líkamlegrar heilsu. Ástæða þessa þema er ekki síst sú mikla athygli sem ráðstefnan ICPPMH2018, sem við vorum gestgjafar að í apríl sl, vakti í alþjóðlegu samfélagi sjúkraþjálfara.

Kjörorð ráðstefnunnar var “Mental health is every physio's business” og segir hversu mikilvægt er fyrir alla sjúkraþjálfara að hafa í huga geðheilsu skjólstæðinga okkar, bakgrunn þeirra og sögu.

Wptd2017_some_1Félag sjúkraþjálfara tekur af því tilefni þátt í lýðræðishátíðinni LÝSU, sem haldinn verður dagana 7. – 8. september á Akureyri. Haldnar verða tvær málstofur/fyrirlestrar:

Föstudaginn 7. sept kl 11: Sjúkraþjálfarar í heilsugæslu – Nýtum alla þekkingu
Pétur Heimisson forstöðulæknir á Heilbrigðisstofnun Austurlands (HSA) og Þóra Elín Einarsdóttir sjúkraþjálfari HSA segja frá tilraunaverkefni með sjúkraþjálfara í heilsugæslu á HSA, með móttöku á Egilsstöðum, Eskifirði og Norðfirði.
https://www.facebook.com/events/891665667711373/

Laugardaginn 8. sept kl10: Fyrirlestur/umræður um tengsl líkamlegrar og andlegrar heilsu og tengsl áfalla við líkamleg einkenni. Unnur Pétursdóttir, formaður FS, Eydís Valgarðsdóttir, sjúkraþjálfari Akureyri og Gunnlaugur Briem, varaformaður FS ræða málin.
https://www.facebook.com/events/220266558647985/

 

LÝSA er samræðuhátíð hins svokallaða þriðja geira, en það eru þeir aðilar sem starfa að margvíslegum málefnum úr mörgum mismunandi áttum, s.s. stjórnamálmenn, stjórnvöld, hagsmunasamtök, félagasamtök, stéttarfélög, sjúklingasamtök, umhverfissamtök o.s.frv. Í fyrra áttum við afar góð samtöl við fólk úr ýmsum áttum, s.s. stjórnmálmenn, ráðherra, sveitastjórnarfólk, frá sjúklingasamtökum og er þessi vettvangur tilvalinn til að koma á samtali við fólk sem er að starfa að sömu málefnum en oft úr ólíkum áttum.

Allir eru velkomnir á hátíðina og við hvetjum félagsmenn sem og aðra til að nýta sér allt það sem þarna er í boði, bæði það sem FS stendur fyrir en einnig fjölmargir aðrir sem verða þarna með áhugaverðar uppákomur.


LÝSA heimasíða: http://www.lysa.is/

LÝSA Fb-síða: https://www.facebook.com/lysaakureyri/